Xa vai tempo que non me poño a escribir por aqui... quizais coa fin do verán o traballo se volveu menos estresante... non sei...
Prometera colgar algunha foto do meu novo traballo e xa van alá 6 meses e non puxen nin a primeira, asi que andiven a ver que aparece por aqui para compartir... algun paciente, para non meternos en profundidades ¿non?

...Pois ai está Bocoi, un San Bernardo irresistible...

Non sei que dicir do meu novo traballo

que é unha merda...

No novo traballo

Síntome un pouco rara no novo traballo, como se estivese alí de forma temporal... supoño que será porque levo solo unha semana...e que a cousa cambiará despois das vacacións, pero non sei... espero non ter errado na miña decisión...
Pero para dicir a verdade, o traballo aparenta menos rutineiro ca en Silleda, e nesta semana xa estiven en varias cirurxias (sen facerse ilusións, todo cirurxia menor), e diagnosticamos un par de casos interesantes.
Tentarei sacar algunha foto de cousas chulas, para que as poidades ver, prometo non poñer nada moi asqueroso.

O ataque do lobo

Hoxe tiven un traballo atípico: ir verificar un ataque de lobos... e deberon ser... ainda que a miña formación como bióloga e etóloga non é que sexa moi boa...
O reconto final foi, 5 ovellas feridas, 6 mortas, das que unha foi completamente devorada, e as outras sen tocar a penas..so tiñan lesións no pescozo, igual que as feridas...
¿¿¿ alguén me pode verificar se este é o comportamento habitual???
Por enriba, non levaba a cámara de fotos, así que tirei algunhas co móbil, e son bastante malas. que se lle vai facer...

...gustavos???... tireina o outro día no Candán, cando o coche me deixou tirada por enésima vez... estes cacharros son ben grandes, a verdade... non puiden sacar moitas máis porque as moscas me tiñan acribillada, pero había tempo que lle tiña ganas...

Preséntovos a araña que vive no meu espello retrovisor, é toda unha depredadora...

Semana triste...

...pretendía facer unha pequena homenaxe a Michi, pero non atopei ningunha foto... e iso ainda me pon mais triste...

A decisión está tomada.

Finalmente, tomei a decisión, en canto pasen as vacacións, cambio de traballo, e de vila, ainda que non de xefes... voume para A Estrada, a traballar na clínica de mascotas... ainda que supoño que non abandonarei de todo ás vacas, que alí tamén as hai...

...hai que ver qu repetitiva que son...

Hai2anos...

...cando empecei a traballar aqui, alguén me dixo que seguro que mais cedo que tarde, nesta profesión o traballo con que se comeza non é suficiente, e un busca novas inquedanzas... non sei se é pola expectativa de cambio, ou por que, pero estou afogada neste choio... necesito cambios xa!!!

(ben pensado igual é o catarro, que me enturba o pensamento)

Hola outra vez, sigo sin saber que vai ser de min... e cada dia soporto peor aos gandeiros, creo que se me está agriando o caracter...

...volta atrás...

Despois de máis dun ano sen escribir nada aqui, deume por voltar... supoño que esta ausencia quere dicir que isto dos blogs non é o meu...
Acababa de comezar a traballar aquí en Silleda, e agora van case dous anos... xa teño outro aplomo para o choio... pero aveciñanse cambios... se cadra por iso é que voltei... een fin, eu que sei...